Eg kan!

Eg skriv ikkje fint, eg les ikkje fort,
Så meg er det lett nok å terge.
Men gjeld det å springe av stad som ein hjort,
Å dukke i elva
Og klatre i berget –
Jau det kan eg greie, ja d et går nok an
Om nokon vil seie dei trur at eg kan!

Eg somlar og rotar, sit aldri i fred,
Eg får nok aldri ferdig ei lekse.
Men gjeld det å lokke ei mor til å le,
Ein hund til å danse,
Ein blome til å vekse –
Jau det kan eg greie, ja det går nok an
Om nokon vil seie dei trur at eg kan!

Eg greier mest aldri å fange ein ball,
Eg spring nok, men stega er tunge,
Men gjeld det å stelle ein hest i ein stall,
Ein sjuk i ei seng
Og ein ørliten unge –
Jau det kan eg greie, ja det går nok an,
Om nokon vil seie dei trur at eg kan.


Ingvar Moe


Kommunal- og regionaldepartementet: Ry -   Omdømmebygging

Kulturminneåret 2009

Miljøverndepartementet: Ti gode grep
Miljøvennlige og attraktive byer og tettsteder

Miljøverndepartementet: Barn og unge.  
Barn og unges interesser i planleggingen